ដោយ : ភ្នំធំ / បន្ទាយមានជ័យ :នៅសាលប្រជុំ ខ សាលាខេត្តបន្ទាយមានជ័យ នាព្រឹកថ្ងៃទី១៩ ខែសីហា ឆ្នាំ២០២៦ មានកិច្ចប្រជុំត្រួតពិនិត្យវឌ្ឍនភាពនៃការអនុវត្តការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) និងការអនុវត្តអនុក្រឹត្យលេខ០៣ អនក្រ.បក របស់រាជរដ្ឋាភិបាលស្តីពីការគ្រប់គ្រង សន្តិសុខសុវត្ថិភាពតាមទីតាំងរស់នៅប្រមូលផ្តុំ ។
លោក អ៊ុំ រាត្រី អភិបាល នៃគណៈភិបាលខេត្ត បានដឹកនាំកិច្ចប្រជុំនេះ ។
និងចូលរួមដោយអភិបាលរងខេត្ត ទទួលបន្ទុក ប្រធានសាលាដំបូង ព្រះរាជអាជ្ញានៃអយ្យការអមស្ថាប័នតុលាការ ស្នងការរងនគរបាលខេត្ត មេបញ្ជាការកងរាជអាវុធហត្ថខេត្ត អភិបាលស្រុក/ក្រុងទាំង៩ ។
ស្មារតីកិច្ចប្រជុំបញ្ជាក់ថា គណ:បញ្ជាការកងឯកភាពខេត្តបន្ទាយមានជ័យត្រូវបង្កើនការខិតខំអនុវត្តយុទ្ធនាការនេះឲ្យបានលទ្ធផលល្អ មានប្រសិទ្ធភាពនិងប្រកបដោយការទទួលខុសត្រូវ ។
សូមរំលឹកថា យុទ្ធនាការនេះដែលអនុវត្តពីចុងខែមីនាដល់ខែមិថុនាឆ្នាំ២០២៦. ធ្លាប់មានកិច្ចសហការ ដឹកនាំដោយថ្នាក់ជាតិ មានអគ្គស្នងការដ្ឋាននគរបាលជាតិនិងផ្នែកពាក់ព័ន្ធ ។
