ខេត្តព្រះវិហារ៖ ឈ្មួញចំនួន ៤ នាក់ ត្រូវបានបង្ហាញឈ្មោះថា បាននាំអង្ករថៃចូលមកប្រទេសកម្ពុជា តាមច្រកកំពង់ស្រឡៅ ស្រុកឆែប ខេត្តព្រះវិហារ ដោយប្រើរថយន្តធំចំនួន ៣ គ្រឿង។ ឈ្មួញទាំង ៤ រួមមាន៖
១. លោក ដន ទី រស់នៅភូមិកំពង់ស្រឡៅ ឃុំកំពង់ស្រឡៅ ស្រុកឆែប ខេត្តព្រះវិហារ
២. លោក ភូ គេន រស់នៅភូមិកំពង់ស្រឡៅ ឃុំកំពង់ស្រឡៅ ស្រុកឆែប ខេត្តព្រះវិហារ
៣. លោកស្រី លុយ យ៉ាន់ រស់នៅភូមិកំពង់ស្រឡៅ ឃុំកំពង់ស្រឡៅ ស្រុកឆែប ខេត្តព្រះវិហារ
៤. លោក សន ភ័ណ្ឌ រស់នៅភូមិកំពង់ស្រឡៅ ឃុំកំពង់ស្រឡៅ ស្រុកឆែប ខេត្តព្រះវិហារ
ប្រភពមួយបានបញ្ជាក់ថា ករណីនេះមានមន្ត្រីគយឈ្មោះ លោក សុខ ឡាដេត ចូលរួមស្នើសុំអន្តរាគមន៍ផងដែរ។
ទោះបីជាការនាំចូលអង្ករពីប្រទេសជិតខាងនេះអាចត្រូវបានពិចារណាជាជំនួញពាណិជ្ជកម្មក៏ដោយ ប៉ុន្តែវាបានបង្កឲ្យមានការរិះគន់ខ្លាំង ព្រោះស្ថានភាពស្រូវអង្ករក្នុងស្រុកកំពុងមានស្តុកច្រើន ហើយថ្លៃកំពុងធ្លាក់ចុះយ៉ាងគួរឱ្យព្រួយបារម្ភ។ ការនាំអង្ករថៃចូលបន្ថែមទៀត អាចនឹងបង្កឲ្យថ្លៃស្រូវក្នុងស្រុកកាន់តែធ្លាក់។
ជាមួយនេះ ក៏មានការលើកឡើងផ្នែកជាតិនិយមថា ប្រទេសថៃធ្លាប់ឈ្លានពានកម្ពុជា បង្កការខូចខាតដល់កងទ័ព ប្រជាពលរដ្ឋ និងសំណង់រដ្ឋាភិបាល។ ដូច្នេះ ប្រជាពលរដ្ឋ និងឈ្មួញជាតិគួរតែពិចារណា មិនគួរនាំចូល និងប្រើប្រាស់ផលិតផលថៃឡើយ។
សង្គមបានអំពាវនាវដល់ឈ្មួញទាំង ៤ នាក់ឲ្យពិចារណាឡើងវិញ និងបញ្ឈប់ការនាំចូលអង្ករថៃ ដើម្បីការពារពាណិជ្ជកម្មស្រូវក្នុងស្រុក និងគោរពចំពោះឈាមញាតិជាតិ ដែលបានបង់ក្នុងអំឡុងពេលជម្លោះជាតិ។
