​📰 អាជីវករផ្សារពន្លៃខេត្តកំពង់ឆ្នាំង ទទូចសុំកុំរុះរើផ្សារចាស់ធ្វើថ្មី ព្រោះមិនទាន់ផុតកុងត្រា ២០ឆ្នាំ

​កំពង់ឆ្នាំង៖ ក្រុមអាជីវករជាង ២០០ តូប នៅផ្សារពន្លៃ ក្នុងស្រុកបរិបូរណ៍ ខេត្តកំពង់ឆ្នាំង បានធ្វើការតវ៉ាជំទាស់នឹងគម្រោងរបស់អាជ្ញាធរមូលដ្ឋាន ដែលមានបំណងរុះរើផ្សារចាស់ ដើម្បីសាងសង់ផ្សារថ្មី ដោយសំអាងថា កុងត្រាអាជីវកម្មរបស់ពួកគេនៅសល់រយៈពេលដល់ទៅ ២០ឆ្នាំទៀត ទើបផុតអាណត្តិ។
​ ផ្សារនៅរឹងមាំ ហើយជីវភាពរកស៊ីកំពុងធ្លាក់ចុះ
​ក្រុមអាជីវករបានលើកឡើងស្រដៀងគ្នាថា អាគារផ្សារបច្ចុប្បន្ននៅមានសភាពរឹងមាំល្អ មិនទាន់ទ្រុឌទ្រោម ដែលអាចបន្តលក់ដូរបានជាធម្មតា។ ពួកគេយល់ថា គ្រាន់តែរៀបចំប្រព័ន្ធលូដើម្បីរំដោះទឹកជំនន់នារដូវវស្សា គឺគ្រប់គ្រាន់ហើយ ដោយពុំចាំបាច់រុះរើធ្វើផ្សារថ្មីឡើយ។
​៖ អាជីវករបានសំអាងថា តូបនីមួយៗមានកុងត្រាជាមួយអាជ្ញាធរពាក់ព័ន្ធ រយៈពេល ៥០ឆ្នាំ ហើយបច្ចុប្បន្ននៅសល់ ២០ឆ្នាំទៀត ទើបផុតកុងត្រា។
​ ពួកគាត់បានលើកឡើងថា សេដ្ឋកិច្ចបច្ចុប្បន្នកំពុងធ្លាក់ចុះ ហើយការរកស៊ីមានភាពតឹងតែងខ្លាំងណាស់។ ដូច្នេះ ពួកគាត់មិនមានលទ្ធភាពគ្រប់គ្រាន់ក្នុងការទិញតូបថ្មី និងត្រូវចំណាយពេលផ្អាកលក់ដូរយ៉ាងតិចមួយឆ្នាំអំឡុងពេលសាងសង់នោះទេ។
​ ក្រុមអាជីវករយល់ស្របឱ្យអាជ្ញាធរគ្រាន់តែកែតម្រូវស្ថាបនាផ្លូវ កាត់ដំបូលតូបដែលលយចូលចំណីផ្លូវ និងរៀបចំប្រព័ន្ធលូ ដើម្បីសោភ័ណភាពតែប៉ុណ្ណោះ ហើយទទូចសុំកុំរុះរើផ្សារពន្លៃនៅពេលនេះ។
​លោក ចេង ចាន់ដូណា អភិបាលស្រុកបរិបូរណ៍ បានបញ្ជាក់ថា គម្រោងអភិវឌ្ឍផ្សារនេះ មិនមែនជាសិទ្ធិសម្រេចរបស់រដ្ឋបាលស្រុកនោះទេ គឺទាល់តែមានការសម្រេចគោលការណ៍ពីរដ្ឋបាលខេត្ត និងក្រសួងសេដ្ឋកិច្ចនិងហិរញ្ញវត្ថុទើបអាចដំណើរការបាន។
​លោកអភិបាលស្រុកបានលើកហេតុផលថា ការស្នើរៀបចំផ្សារឡើងវិញ ដោយសារ៖
​៖ មានមតិភាគច្រើនបានសំណូមពរឱ្យអាជ្ញាធររៀបចំផ្សារឡើងវិញ ដោយសារស្ថានភាពផ្សារមានភាពអនាធិបតេយ្យ។
​រៀងរាល់រដូវវស្សាតែងតែមានជំនន់ទឹកភ្លៀងលិចលុង។ លោកបានបញ្ជាក់ថា បើតាមការពិនិត្យរបស់ក្រុមបច្ចេកទេស ប្រព័ន្ធលូក្នុងផ្សារមានកម្ពស់ខុសគ្នាប្រហែល 1 ម៉ែត្រ ទៅ 1.2 ម៉ែត្រ ធៀបនឹងលូនៅថ្នល់ ដែលជាមូលហេតុចម្បងតម្រូវឱ្យមានការរៀបចំផ្សារជាថ្មី។
​ទោះជាយ៉ាងណា លោក ផាន់ សាឡន ប្រធានផាស៊ីផ្សារពន្លៃ បានបញ្ជាក់ថា រូបលោកគ្មានសមត្ថភាពក្នុងការសម្រេចរឿងធ្វើលូ ឬសាងសង់ផ្សារថ្មីនោះទេ គឺប្រគល់សិទ្ធិទៅឱ្យអាជ្ញាធរស្រុក និងភាគីពាក់ព័ន្ធជាអ្នកចាត់ចែងបន្ត។
​ទោះបីជាមានការពន្យល់ពីអាជ្ញាធរយ៉ាងណាក៏ដោយ ក្រុមអាជីវករនៅតែទទូចសំណូមពរដល់អាជ្ញាធរពាក់ព័ន្ធថ្នាក់ខេត្ត និងថ្នាក់ក្រសួង សូមមេត្តាចុះមកពិនិត្យជាក់ស្តែងពីស្ថានភាពជីវភាព និងជុំវិញផ្សារ ដោយអនុគ្រោះកុំឱ្យមានការរុះរើផ្សារចាស់ចេញ និងអនុញ្ញាតឱ្យពួកគាត់លក់ដូរបានបន្តរហូតដល់ផុតកុងត្រា៕
​ដោយ អ៊ួង សុផាត÷កំពង់ឆ្នាំង៖ ក្រុមអាជីវករជាង ២០០ តូប នៅផ្សារពន្លៃ ក្នុងស្រុកបរិបូរណ៍ ខេត្តកំពង់ឆ្នាំង បានធ្វើការតវ៉ាជំទាស់នឹងគម្រោងរបស់អាជ្ញាធរមូលដ្ឋាន ដែលមានបំណងរុះរើផ្សារចាស់ ដើម្បីសាងសង់ផ្សារថ្មី ដោយសំអាងថា កុងត្រាអាជីវកម្មរបស់ពួកគេនៅសល់រយៈពេលដល់ទៅ ២០ឆ្នាំទៀត ទើបផុតអាណត្តិ។
​ ផ្សារនៅរឹងមាំ ហើយជីវភាពរកស៊ីកំពុងធ្លាក់ចុះ
​ក្រុមអាជីវករបានលើកឡើងស្រដៀងគ្នាថា អាគារផ្សារបច្ចុប្បន្ននៅមានសភាពរឹងមាំល្អ មិនទាន់ទ្រុឌទ្រោម ដែលអាចបន្តលក់ដូរបានជាធម្មតា។ ពួកគេយល់ថា គ្រាន់តែរៀបចំប្រព័ន្ធលូដើម្បីរំដោះទឹកជំនន់នារដូវវស្សា គឺគ្រប់គ្រាន់ហើយ ដោយពុំចាំបាច់រុះរើធ្វើផ្សារថ្មីឡើយ។
​៖ អាជីវករបានសំអាងថា តូបនីមួយៗមានកុងត្រាជាមួយអាជ្ញាធរពាក់ព័ន្ធ រយៈពេល ៥០ឆ្នាំ ហើយបច្ចុប្បន្ននៅសល់ ២០ឆ្នាំទៀត ទើបផុតកុងត្រា។
​ ពួកគាត់បានលើកឡើងថា សេដ្ឋកិច្ចបច្ចុប្បន្នកំពុងធ្លាក់ចុះ ហើយការរកស៊ីមានភាពតឹងតែងខ្លាំងណាស់។ ដូច្នេះ ពួកគាត់មិនមានលទ្ធភាពគ្រប់គ្រាន់ក្នុងការទិញតូបថ្មី និងត្រូវចំណាយពេលផ្អាកលក់ដូរយ៉ាងតិចមួយឆ្នាំអំឡុងពេលសាងសង់នោះទេ។
​ ក្រុមអាជីវករយល់ស្របឱ្យអាជ្ញាធរគ្រាន់តែកែតម្រូវស្ថាបនាផ្លូវ កាត់ដំបូលតូបដែលលយចូលចំណីផ្លូវ និងរៀបចំប្រព័ន្ធលូ ដើម្បីសោភ័ណភាពតែប៉ុណ្ណោះ ហើយទទូចសុំកុំរុះរើផ្សារពន្លៃនៅពេលនេះ។
​លោក ចេង ចាន់ដូណា អភិបាលស្រុកបរិបូរណ៍ បានបញ្ជាក់ថា គម្រោងអភិវឌ្ឍផ្សារនេះ មិនមែនជាសិទ្ធិសម្រេចរបស់រដ្ឋបាលស្រុកនោះទេ គឺទាល់តែមានការសម្រេចគោលការណ៍ពីរដ្ឋបាលខេត្ត និងក្រសួងសេដ្ឋកិច្ចនិងហិរញ្ញវត្ថុទើបអាចដំណើរការបាន។
​លោកអភិបាលស្រុកបានលើកហេតុផលថា ការស្នើរៀបចំផ្សារឡើងវិញ ដោយសារ៖
​៖ មានមតិភាគច្រើនបានសំណូមពរឱ្យអាជ្ញាធររៀបចំផ្សារឡើងវិញ ដោយសារស្ថានភាពផ្សារមានភាពអនាធិបតេយ្យ។
​រៀងរាល់រដូវវស្សាតែងតែមានជំនន់ទឹកភ្លៀងលិចលុង។ លោកបានបញ្ជាក់ថា បើតាមការពិនិត្យរបស់ក្រុមបច្ចេកទេស ប្រព័ន្ធលូក្នុងផ្សារមានកម្ពស់ខុសគ្នាប្រហែល 1 ម៉ែត្រ ទៅ 1.2 ម៉ែត្រ ធៀបនឹងលូនៅថ្នល់ ដែលជាមូលហេតុចម្បងតម្រូវឱ្យមានការរៀបចំផ្សារជាថ្មី។
​ទោះជាយ៉ាងណា លោក ផាន់ សាឡន ប្រធានផាស៊ីផ្សារពន្លៃ បានបញ្ជាក់ថា រូបលោកគ្មានសមត្ថភាពក្នុងការសម្រេចរឿងធ្វើលូ ឬសាងសង់ផ្សារថ្មីនោះទេ គឺប្រគល់សិទ្ធិទៅឱ្យអាជ្ញាធរស្រុក និងភាគីពាក់ព័ន្ធជាអ្នកចាត់ចែងបន្ត។
​ទោះបីជាមានការពន្យល់ពីអាជ្ញាធរយ៉ាងណាក៏ដោយ ក្រុមអាជីវករនៅតែទទូចសំណូមពរដល់អាជ្ញាធរពាក់ព័ន្ធថ្នាក់ខេត្ត និងថ្នាក់ក្រសួង សូមមេត្តាចុះមកពិនិត្យជាក់ស្តែងពីស្ថានភាពជីវភាព និងជុំវិញផ្សារ ដោយអនុគ្រោះកុំឱ្យមានការរុះរើផ្សារចាស់ចេញ និងអនុញ្ញាតឱ្យពួកគាត់លក់ដូរបានបន្តរហូតដល់ផុតកុងត្រា៕ដោយ អ៊ួង សុផាត