ដោយ : ភ្នំធំ / សៀមរាប:កងរាជអាវុធហត្ថខេត្តសៀមរាបបន្តចេញអន្តរាគមន៍តាមរយៈលេខទូរស័ព្ទបន្ទាន់ (Hotline) 1296 ដូចជាទប់ស្កាត់ បង្ក្រាបបទល្មើស ទ្រផលសភាពការណ៍ ហេតុការណ៍ សង្គ្រោះ ជួយពន្លត់ភ្លើង…។
នេះបើតមានមន្ត្រីអោយដឹងកាលពីថ្ងៃទី២៤ខែសីហា ។
ក្នុងនោះ ជាក់ស្តែងជួយពន្លត់ភ្លើងឆេះផ្ទះបានដោយជោគជ័យ។
សូមរំលឹកថា នៅយប់ថ្ងៃទី២២ ខែសីហា ឆ្នាំ២០២៥ កងរាជអាវុធហត្ថខេត្តសៀមរាប បានទទួលបណ្ដឹងផ្ទាល់មាត់ពីប្រជាពលរដ្ឋតាមរយៈលេខទូរស័ព្ទបន្ទាន់ (Hotline) 1296 ដើម្បីសុំកិច្ចអន្តរាគមន៍ដែលមានករណីភ្លើងឆេះផ្ទះ នៅចំណុចភូមិត្រពាំងទឹម ឃុំកណ្ដែក ស្រុកប្រាសាទបាគង ខេត្តសៀមរាប។
បន្ទាប់ពីទទួលបានព័ត៌មាននេះភ្លាម កម្លាំងមូលដ្ឋានកងរាជអាវុធហត្ថស្រុកប្រាសាទបាគង និងកម្លាំងជំនាញបានចេញរថយន្តពន្លត់អគ្គិភ័យ ចុះជួយអន្តរាគមន៍ពន្លត់ភ្លើងឆេះផ្ទះឲ្យរលត់ទាំងស្រុង និងមិនបណ្តាលឲ្យរាលដាលប៉ះពាល់ដល់ផ្ទះប្រជាពលរដ្ឋជិតខាងឡើយ៕
