ដោយ : ភ្នំធំ / ព្រំដែនកម្ពុជា ថៃ :តាមកាសែតខាវស៊ុត( Kaosod English) របស់ថៃបានរាយការណ៍ថា ឧត្តមសេនីយ Winthai Suvaree អ្នកនាំពាក្យនៃកងទ័ពភូមិន្ទថៃ បានចេញសេចក្តីថ្លែងការណ៍មួយកាលពីថ្ងៃអាទិត្យទី៥ខែតុលា ដើម្បីបញ្ជាក់ការពិតអំពីការពន្យារពេល(ពហិកា) កិច្ចប្រជុំRBC ដែលបានកើតឡើងបន្ទាប់ពីកម្ពុជាបានច្រានចោលការទាមទារឬលក្ខខណ្ឌរបស់កងទ័ពភូមិភាគទី១ សម្រាប់ផែនការជម្លៀសពលរដ្ឋកម្ពុជាដូចខាងក្រោម៖
១-បញ្ហាដែលភាគីកម្ពុជាលើកឡើង៖ កិច្ចប្រជុំគណៈកម្មាធិការព្រំដែនតំបន់ (RBC) រវាងយោធភូមិភាគទី៥ របស់កម្ពុជា និងកងទ័ពភូមិភាគទី១ របស់ថៃ គឺស្របតាមដំណោះស្រាយរបស់គណៈកម្មាធិការព្រំដែនទូទៅ (GBC) ដែលបានឯកភាពក្នុងកិច្ចប្រជុំពិសេសលើកទី១ នៅថ្ងៃទី២២ ខែសីហា ឆ្នាំ២០២៥។
ថៃមានទំនុកចិត្តថាកងទ័ពភូមិភាគទី១ មិនមានចេតនាបដិសេធមិនជួប(ពហិកា) ឬការធ្វេសប្រហែសដំណោះស្រាយGBC ពីកិច្ចប្រជុំពិសេសលើកទី ១ នៅថ្ងៃទី២២ខែសីហា ឆ្នាំ ២០២៥ នោះទេ។
ថៃគ្រាន់តែចង់ឱ្យរាល់ការប្រជុំទទួលបានលទ្ធផលប្រកបដោយប្រសិទ្ធភាពគ្រប់គ្រាន់ ដោយសង្កត់ធ្ងន់ថា ពួកគេនាំទៅរកដំណើរការដោះស្រាយបញ្ហាដែលផ្តោតលើលទ្ផលជាក់ស្តែង មិនមែនគ្រាន់តែជាការសន្យាដែលបានធ្វើឡើងដើម្បីចំណាយពេលវេលាកន្លងមកនោះទេ។
២-បញ្ហាដែលភាគីកម្ពុជាលើកឡើង៖ ទាក់ទងនឹងភូមិជោគជ័យនិងភូមិព្រៃចាន់ កម្ពុជាបញ្ជាក់ថា ខ្លួននឹងដំណើរការទៅតាមអ្វីដែលបានព្រមព្រៀងគ្នាក្នុងកិច្ចប្រជុំ GBC នៅថ្ងៃទី១០ ខែកញ្ញា ឆ្នាំ២០២៥ ដែលបានប្រគល់ឱ្យគណៈកម្មាធិការព្រំដែនចម្រុះ (JBC) ជាយន្តការចម្បងសម្រាប់កិច្ចប្រជុំ និងស្វែងរកដំណោះស្រាយចំពោះបញ្ហាទាំងនេះ។
អ្នកនាំពាក្យកងយោធពលខេមរភូមិន្ទ បានបញ្ជាក់ថា៖ ទាក់ទងនឹងភូមិណងចាន់(Nong Chan )និងភូមិណងយ៉ាកែវ(Nong Ya Kaew) ការទន្ទ្រានកាន់កាប់មានពីរប្រភេទ។
ប្រភេទទីមួយ ពាក់ព័ន្ធនឹងការទន្ទ្រាននៅក្នុងតំបន់/ភូមិដែលភាគីទាំងពីរទាមទារសិទ្ធិ ដែលយោងទៅតាមកិច្ចព្រមព្រៀងទ្វេភាគីស្ថិតនៅក្រោមយន្តការ JBC ។
ប្ប្រភេទទីពីរ- បាន ទន្ទ្រាន ចូល ក្នុង ដែន អធិបតេយ្យ របស់ ថៃ យ៉ាង ច្បាស់។ នេះ ជា បញ្ហា បន្ទាន់ ដំបូង ដែល ភាគី ថៃ ត្រូវ ដោះស្រាយ។
៣- បញ្ហាដែលភាគីកម្ពុជាលើកឡើង៖ ទាក់ទងនឹងគណៈកម្មាធិការព្រំដែនប្រចាំតំបន់ (RBC) តួនាទីរបស់ខ្លួនគឺគ្រាន់តែសម្របសម្រួលនិងដោះស្រាយស្ថានការណ៍នៅមូលដ្ឋានភ្លាមៗ ដើម្បីកាត់បន្ថយភាពតានតឹង និងដោះស្រាយបញ្ហាដោយសន្តិវិធី។ វាមិនមានសិទ្ធិអំណាចក្នុងការសម្រេចចិត្តចុងក្រោយលើការបោះបង្គោលព្រំដែននោះទេ។
អ្នក នាំ ពាក្យ កង ទ័ព ថៃ បាន បញ្ជាក់ ថា ៖ លើ លើបញ្ហានេះថៃបញ្ជាក់ ថា កងយោធពលភូមិន្ទ ថៃ បន្ត ធ្វើ ជា អ្នក សម្រប សម្រួល។ ទោះជាយ៉ាងណាក៏ដោយ ទាក់ទងនឹងបញ្ហាទន្ទ្រានប្រភេទទី ពីរ – ការទន្ទ្រានចូលទៅក្នុងទឹកដីថៃដែលមិនមែនជាតំបន់ជម្លោះ ហើយបានបន្ត”ជាយូរយារណាស់” មកហើយ យន្តការរដ្ឋបាលស៊ីវិល និងប៉ូលីស នឹងទទួលខុសត្រូវជាចំបងចំពោះចំណាត់ការក្រោមច្បាប់ធម្មតារបស់ប្រទេសថៃ។
៤- បញ្ហាដែលលើកឡើងដោយភាគីកម្ពុជា៖ការស្ទង់មតិបានរកឃើញចំណុចមួយចំនួនដែលពលរដ្ឋថៃបាននិងកំពុងប្រើប្រាស់តំបន់ក្រោមអធិបតេយ្យភាពកម្ពុជា ដែលឆ្លុះបញ្ចាំងពីភាពស្មុគស្មាញនៃបញ្ហាដែលទាមទារឱ្យមានការពឹងផ្អែកលើកិច្ចព្រមព្រៀងគោលការណ៍ដែលប្រទេសទាំងពីរសម្រេចបានពីមុន។
អ្នកនាំពាក្យកងយោធពលភូមិន្ទថៃបានលើកឡើងថា៖ ចំពោះបញ្ហានេះ ភាគីកម្ពុជាក៏អាចប្រើយន្តការកម្រិតមូលដ្ឋានទ្វេភាគីដើម្បីជួយដោះស្រាយបញ្ហាផងដែរ។
យោងតាមព័ត៌មានដែលទទួលបាននេះ អាចពាក់ព័ន្ធនឹងការប្រើប្រាស់ដីធ្វើកសិកម្ម ដែលមិនគួរពិបាកដោះស្រាយទេ ខុសពីការទន្ទ្រានព្រំដែនជាមួយសំណង់អគារនិងសំណង់អចិន្ត្រៃយ៍។
៥- បញ្ហាដែលភាគីកម្ពុជាលើកឡើង៖ កម្ពុជានឹងរង់ចាំការពិចារណារបស់ JBC ទាក់ទងនឹងតំបន់ភូមិជោគជ័យ និងភូមិព្រៃចាន់ ព្រមទាំងតំបន់ដែលសំណង់ ឬសកម្មភាពរបស់ថៃបានទន្ទ្រានដោយផ្នែកឆ្លងកាត់ព្រំដែន។ ដូដូច្នេះហើយ ថៃស្នើ ឱ្យ មាន ការ ប្រជុំ JBC មួយ ឱ្យ បាន ឆាប់ ដើម្បី រក ដំណោះស្រាយ រួម ។
អ្នកនាំពាក្យទាហានបានបញ្ជាក់ថា៖.ថៃសូមបញ្ជាក់ថា យន្តការ JBC ដើរតួនាទីយ៉ាងសំខាន់ក្នុងការបោះបង្គោលព្រំដែននៅតំបន់ស្មុគស្មាញ ជាពិសេសនៅតំបន់ភ្នំដែលមានព្រៃឈើ ដើម្បីកំណត់ខ្សែបន្ទាត់ចែកទឹក( ជួរភ្នំនិងខ្ពង់រាប) ដោយប្រើបច្ចេកវិទ្យាទំនើប។
ទោះយ៉ាងណាក៏ដោយ ក្នុងករណីភូមិNong Chan និងភូមិ Nong Ya Kaew ដីមានវាលទំនាប ដែលអាច”គូសបន្ទាត់ត្រង់តភ្ជាប់”បង្គោលព្រំដែន ដែលភាគីទាំងពីរបានធ្វើការវាស់វែងរួចរាល់(តើឯកភាពគ្នាទៅនៅ?) ហើយ។
នេះអនុញ្ញាតឱ្យយើង(ថៃ) មើលឃើញបន្ទាត់យោងព្រំដែនសម្មតិកម្មដើម្បីប្រើក្នុងការងាររបស់យើង។
៦- បញ្ហាដែលបានលើកឡើងដោយភាគីកម្ពុជា៖ យើងអំពាវនាវឱ្យភាគីទាំងពីរគោរពយ៉ាងតឹងរឹងនូវកិច្ចព្រមព្រៀងដែលបានមកពីកិច្ចប្រជុំ GBC កន្លងមក។
អ្នកនាំពាក្យកងយោធាថៃបានឡើងថា៖ លើបញ្ហានេះ ភាគីថៃបញ្ជាក់ពីការប្តេជ្ញាចិត្តរបស់ខ្លួនក្នុងការរក្សាកិច្ចព្រមព្រៀង និងដំណោះស្រាយពីគ្រប់វេទិកាអន្តរជាតិ។
