: កម្លាំងគណៈបញ្ជាការបង្រ្កាបបទល្មើសបឹងទន្លេសាប ឃាត់រថយន្ត ៣គ្រឿង ដឹកលៀសខុសច្បាប់ជិត ៣០តោន នៅស្រុកស្ទោង!

​
​កំពង់ធំ៖ យោងតាមបទបញ្ជាយ៉ាងម៉ឺងម៉ាត់របស់ ឯកឧត្តម ឧត្តមសេនីយ៍ទោ សេង ធារិន ប្រធានគណៈបញ្ជាការដឹកនាំបង្ក្រាបបទល្មើសបឹងទន្លេសាប កម្លាំងចម្រុះបានបើកប្រតិបត្តិការបង្ក្រាប និងឃាត់ខ្លួនជនល្មើសបាន ៣នាក់ ព្រមទាំងរថយន្តដឹកជញ្ជូនលៀសខុសច្បាប់ចំនួន ៣គ្រឿង ដែលមានទម្ងន់សរុបរហូតដល់ ៣០តោន នៅលើភូមិសាស្ត្រ ស្រុកស្ទោង ខេត្តកំពង់ធំ។
​ប្រតិបត្តិការនេះបានធ្វើឡើងនៅវេលាម៉ោង ២:៣០ នាទីយប់ ថ្ងៃទី០៣ ខែតុលា ឆ្នាំ២០២៥ នៅភូមិចក ឃុំម្សាក្រង ស្រុកស្ទោង ដោយមានការសហការចូលរួមពី កងកម្លាំង ក២ជើងគោក យោធភូមិភាគទី៥ និង សឹករងខេត្តកំពង់ឆ្នាំង។
​លទ្ធផលនៃការបង្ក្រាបរួមមាន៖
​រថយន្តដឹកជញ្ជូនលៀសខុសច្បាប់ សរុបចំនួន ០៣គ្រឿង រួមមាន៖
​រថយន្តប្រភេទ Fuso ៣តោន ចំនួន ១គ្រឿង ផ្ទុកលៀស ១៥តោន។
​រថយន្តប្រភេទកូរ៉េ ៣តោន ចំនួន ១គ្រឿង ផ្ទុកលៀស ១០តោន។
​រថយន្តឆ្នៃ ចំនួន ១គ្រឿង ផ្ទុកលៀស ៥តោន។
​ទម្ងន់លៀសខុសច្បាប់សរុប: ៣០តោន។
​ជនល្មើស (អ្នកបើកបរ): ០៣នាក់ ត្រូវបានឃាត់ខ្លួន។
​បច្ចុប្បន្ន វត្ថុតាង និងជនសង្ស័យទាំង ៣នាក់ ត្រូវបានបញ្ជូនទៅកាន់សមត្ថកិច្ចជំនាញ ដើម្បីចាត់ការបន្តតាមនីតិវិធីច្បាប់ស្តីពីជលផល និងពង្រឹងការអនុវត្តច្បាប់នៅតំបន់បឹងទន្លេសាបឱ្យកាន់តែមានប្រសិទ្ធភាព។
​