កំពង់ធំ)៖ ដោយអនុវត្តតាមការយកចិត្តទុកដាក់ដ៏ខ្ពង់ខ្ពស់ពីឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នារសៀលថ្ងៃទី០៥ ខែមិថុនា ឆ្នាំ២០Internal លោកឧត្តមសេនីយ៍ទោ ហេង សុផល ស្នងការនគរបាលខេត្តកំពង់ធំ បានដឹកនាំកងកម្លាំងក្រោមឱវាទ ចូលរួមរំលែកទុក្ខ និងគោរពវិញ្ញាណក្ខន្ធសព លោកអនុសេនីយ៍ឯក អ៊ួង ធារិទ្ធ នាយរងប៉ុស្តិ៍នគរបាលរដ្ឋបាលសណ្ដាន់ នៃអធិការដ្ឋាននគរបាលស្រុកសណ្ដាន់។
លោកអនុសេនីយ៍ឯក អ៊ួង ធារិទ្ធ បានទទួលមរណភាពកាលពីថ្ងៃទី០៤ ខែមិថុនា ឆ្នាំ២០២៦ វេលាម៉ោង ២១:៤០ នាទី ក្នុងជន្មាយុ ៥៥ ឆ្នាំ ដោយសារគ្រោះថ្នាក់ចរាចរណ៍។ បច្ចុប្បន្ន ក្រុមគ្រួសារបានរៀបចំធ្វើបុណ្យតាមប្រពៃណីទំនៀមទម្លាប់ នៅគេហដ្ឋានសព ស្ថិតក្នុងភូមិទឹកម្លាង ឃុំសណ្ដាន់ ស្រុកសណ្តាន់ ខេត្តកំពង់ធំ។
ការពាំនាំប្រសាសន៍ចូលរួមរំលែកទុក្ខពីថ្នាក់ដឹកនាំ
ស្ថិតក្នុងពេលវេលាដ៏សែនក្រៀមក្រំនេះ លោកឧត្តមសេនីយ៍ទោ ហេង សុផល បានពាំនាំនូវប្រសាសន៍ផ្ដាំផ្ញើចូលរួមរំលែកទុក្ខយ៉ាងក្រៀមក្រំ និងសោកស្តាយបំផុតពីសំណាក់៖
ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ
ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ
ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ
លោកស្នងការបានគូសបញ្ជាក់ថា មរណភាពរបស់ លោកអនុសេនីយ៍ឯក អ៊ួង ធារិទ្ធ គឺជាការបាត់បង់មេគ្រួសារ ស្វាមី និងឪពុកប្រកបដោយព្រហ្មវិហារធម៌ ហើយក៏ជាការបាត់បង់មន្ត្រីដ៏ល្អ ១រូប ក្នុងជួរកងកម្លាំងនគរបាលជាតិ នៃអធិការដ្ឋាននគរបាលស្រុកសណ្ដាន់ ដែលធ្លាប់បានលះបង់កម្លាំងកាយចិត្តបំពេញភារកិច្ចជូនអង្គភាព និងទទួលបានការគោរពស្រឡាញ់ពីមិត្តរួមការងារ។
ការឧបត្ថម្ភសម្រាលទុក្ខលំបាកដល់គ្រួសារសព
ដើម្បីជួយសម្រាលបន្ទុក និងចាត់ចែងក្នុងពិធីបុណ្យ លោកស្នងការបាននាំយកអំណោយ និងថវិកាឧបត្ថម្ភដល់ក្រុមគ្រួសារសព រួមមាន៖
អង្ករ ចំនួន ១០០ គីឡូក្រាម និងទឹកបរិសុទ្ធ
ថវិកាមិត្តជួយមិត្ត ចំនួន ២,០០០,០០០ រៀល
ថវិកាសមាគមមិត្តនគរបាលជាតិកម្ពុជា ចំនួន ៦,០០០,០០០ រៀល
សរុបថវិកា៖ ៨,០០០,០០០ រៀល (ប្រាំបីលានរៀល)
ការបញ្ជាក់បន្ថែមពីលោកស្នងការ៖ > បន្ទាប់ពីមរណភាពរបស់ លោក អ៊ួង ធារិទ្ធ មន្ត្រីការិយាល័យបុគ្គលិក នៃស្នងការដ្ឋាននគរបាលខេត្ត បាននិងកំពុងរៀបចំចាត់ចែងធ្វើសំណើជូនថ្នាក់ដឹកនាំគ្រប់លំដាប់ថ្នាក់យ៉ាងយកចិត្តទុកដាក់ ដើម្បីស្នើសុំថវិកាឧបត្ថម្ភបន្ថែម ជូនដល់គ្រួសារសពបន្ថែមទៀតនាពេលខាងមុខ។
ជាកិច្ចបញ្ចប់ លោកឧត្តមសេនីយ៍ទោ ស្នងការ និងកងកម្លាំងទាំងអស់ បានអុជធូបគោរពវិញ្ញាណក្ខន្ធ ព្រមទាំងឧទ្ទិសបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមជួយដួងវិញ្ញាណក្ខន្ធរបស់ លោកអនុសេនីយ៍ឯក អ៊ួង ធារិទ្ធ បានទៅកាន់សុគតិភពកុំបីឃ្លៀងឃ្លាតឡើយ៕
