ពង់ធំ)៖ នាព្រឹកថ្ងៃទី២១ ខែមេសា ឆ្នាំ២០២៦ លោកជំទាវ លំ គន្ធារី អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជាខេត្តកំពង់ធំ តំណាងឯកឧត្តម នួន ផារ័ត្ន ប្រធានគណៈកម្មាធិការសាខា បានដឹកនាំក្រុមការងារ ចុះសាកសួរសុខទុក្ខ និងនាំយកអំណោយមនុស្សធម៌ចែកជូនគ្រួសាររងគ្រោះដោយខ្យល់កន្ត្រាក់ចំនួន ៦គ្រួសារ ស្ថិតក្នុងភូមិអភិវឌ្ឍសែនជ័យ ដីសម្បទានសង្គមកិច្ច ឃុំដូង ស្រុកប្រាសាទបល្ល័ង្ក ខេត្តកំពង់ធំ។
តាមរបាយការណ៍បានឱ្យដឹងថា គ្រោះធម្មជាតិខ្យល់កន្ត្រាក់នេះ បានកើតឡើងកាលពីល្ងាចថ្ងៃទី១៩ ខែមេសា ឆ្នាំ២០២៦ បណ្តាលឱ្យប៉ះពាល់ផ្ទះពលរដ្ឋចំនួន ៦ខ្នង ក្នុងនោះរលំទាំងស្រុង ២ខ្នង និងរបើកដំបូល ៤ខ្នង។
ក្នុងឱកាសនោះ លោកជំទាវ លំ គន្ធារី បានពាំនាំនូវប្រសាសន៍ផ្ដាំផ្ញើសាកសួរសុខទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និង ឯកឧត្តម នួន ផារ័ត្ន ដែលជានិច្ចកាល សម្ដេចនិងឯកឧត្តម តែងតែយកចិត្តទុកដាក់ខ្ពស់ចំពោះសុខទុក្ខរបស់ប្រជាពលរដ្ឋគ្រប់រូប ដោយមិនប្រកាន់ពូជសាសន៍ សាសនា ឬនិន្នាការនយោបាយឡើយ ស្របតាមទិសស្លោក «ទីណាមានទុក្ខលំបាក ទីនោះមានកាកបាទក្រហមកម្ពុជា»។
ទន្ទឹមនឹងនេះ លោកជំទាវក៏បានអំពាវនាវដល់បងប្អូនប្រជាពលរដ្ឋទាំងអស់ ឱ្យបង្កើនការប្រុងប្រយ័ត្នខ្ពស់ចំពោះបាតុភូតធម្មជាតិ (ផ្គរ រន្ទះ និងខ្យល់កន្ត្រាក់) និងត្រូវយកចិត្តទុកដាក់លើការរស់នៅស្អាត ហូបស្អាត ផឹកស្អាត ព្រមទាំងសម្រាកក្នុងមុងជាប្រចាំ ដើម្បីការពារខ្លួនពីជំងឺដង្កាត់ផ្សេងៗ ជាពិសេសជំងឺគ្រុនឈាម។
អំណោយដែលបានចែកជូនដល់គ្រួសាររងគ្រោះនីមួយៗរួមមាន៖
អង្ករ ២៥គីឡូក្រាមមី ១កេស, ត្រីខ ១យួរទឹកត្រី ១យួរ, ទឹកស៊ីអ៊ីវ ១យួរ
តង់ ១, ឃីត ១កញ្ចប់ (មុង ភួយ សារុង ក្រមា)
និងថវិកាលើកទឹកចិត្តមួយចំនួនផងដែរ។ដោយ អ៊ួង សុផាត
