ដោយ : ភ្នំធំ / បន្ទាយមានជ័យ :កាលពីថ្មីៗនាខែមីនា ឆ្នាំ ២០២៦ នេះ លោកជំទាវ ជ័យ ណារី អ៊ុំ រាត្រី អនុប្រធានប្រធានសាខាកាកបាទក្រហមខេត្តបន្ទាយមានជ័យ បានអញ្ជើញជាអធិបតីភាពអបអរសាទរ ទិវាជាតិសុខភាព មាតាទារកនិងកុមារ ក្រោមប្រធានបទរួមគ្នាលើកកម្ពស់គុណភាព សុវត្ថិភាពប្រសិទ្ធភាព នៃការថែទាំផ្ទៃពោះមុនសម្រាល។
ពិធីនេះមានការផ្តល់ជូននូវកញ្ចប់ជា អំណោយមនុស្សធម៌ចែកជូនដល់គ្រួសារស្ត្រីមានផ្ទៃពោះនិងកុមារតូចៗចំនួន១០៩នាក់ ក្នុងជំរំជនភៀសសឹក នៅវត្តកណ្ដោល ឃុំគោករមៀត ស្រុកថ្មពួក ខេត្តបន្ទាយមានជ័យ។
លោកស្រី ម៉េង គឹមហួយ សមាជិកគណៈកម្មាធិការសាខាកាកបាទក្រហមបាន អានសារលិខិតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានិងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិដើម្បីសុខុមាលភាពស្ត្រីនិងកុមារ ថា ការថែទាំសុខភាព សុវត្ថិភាពផ្នែកសុខភាពនិងប្រព័ន្ធភាពធន់ផ្នែកសុខភាពពិតជាមានសារៈសំខាន់ ។
លោកជំទាវ ជ័យ ណារី អ៊ុំរាត្រី បានមានប្រសាសន៍ផ្តាំផ្ញើដល់ស្ត្រីក្នុងវ័យបន្តពូជស្ត្រីមានផ្ទៃពោះនិងកុមារសុំអនុវត្តរួមមានស្ត្រីមានផ្ទៃពោះទាំងអស់ ទៅពិនិត្យសុខភាពឲ្យបានតាមការកំណត់របស់គ្រូពេទ្យដើម្បីទទួលបានវ៉ាក់សាំងការពារជំងឺផ្សេងៗ ។
គួរបញ្ជាក់ថា អំណោយម្នាក់ៗ ទទួលបានម្សៅសាប៊ូLix១កញ្ចប់ សាប៊ូកក់សក់១ដប សាប៊ូដុសខ្លួន២ដុំ ថ្នាំដុសធ្មេញ ១បំពង់ ច្រាស់ដុសធ្មេញ១ដេីម ក្រដាសជូត ២ដុំកន្សែងពោះគោតូច ១ ទឹកដោះគោខាប់ ២កំប៉ុង ទឹកដោះគោស្រស់ ១ដប នំផ្អែម១ថង់ពិល១ សារុង១និងថវិកាមួយចំនួន ៕
ទន្ទឹមនោះ គណៈកម្មាធិការសាខាកាកបាទក្រហមខេត្តបន្ទាយមានជ័យនិងក្រុមការងារចូលរួមរំលែកទុក្ខបុណ្យសពឧបាសក សុខ កាន់ ឪពុកនាយិការប្រតិបត្តិ
នៅថ្ងៃ១៦ ខែមីនា ឆ្នាំ២០២៦ លោកអ៊ុំ រាត្រី ប្រធានគណៈកម្មាធិការសាខាកាកបាទក្រហមខេត្តបន្ទាយមានជ័យ លោក ឈើយ ចាន់ណា អនុប្រធានកិត្តិយសនិងសមាជិកគណៈកម្មាធិការសាខា បានអញ្ជើញចូលរួមរំលែកទុក្ខយ៉ាងក្រៀមក្រំចំពោះមរណភាពរបស់ ឧបាសក សុខ កាន់ ត្រូវជាឪពុកបង្កើតលោកស្រី សុខ លាភា នាយិកាសាខាកាកបាទក្រហមខេត្ត។
ក្នុងនោះក៏បាននាំយកនូវសម្ភារៈអំណោយមនុស្សធម៌និងថវិកាមួយចំនួនរបស់កាកបាទក្រហមកម្ពុជា ទៅប្រគល់ជូនគ្រួសារនៃសព។
លោក អ៊ុំ រាត្រី បានចូលរួមរំលែកទុក្ខ និងសោកស្ដាយអាឡោះអាល័យជាទីបំផុតចំពោះការបាត់បង់ឧបាសក សុខ កាន់ នេះគឺជាការបាត់បង់ឪពុកជីតាដ៏ល្អមួយរូបដែលមានព្រហ្មវិហារធម៌និងគុណធម៌ដ៏ល្អប្រពៃចំពោះកូនចៅ សាច់ញាតិនិងក្រុមគ្រួសារទាំងអស់ ដែលបានតស៊ូខិតខំប្រឹងប្រែងចិញ្ចឹមបីបាច់ថែរក្សាអប់រំ ឲ្យកូនចៅ ក្លាយជាអ្នកមានចំណេះដឹងមានធនធានមនុស្ស ដ៏មានតម្លៃក្នុងបុព្វហេតុការងារមនុស្សធម៌និងបម្រើជាតិ សាសនា ព្រះមហាក្សត្រ ៕
