នគរបាលប៉ុស្តិ៍រដ្ឋបាលទ្រៀល ចុះចែកសៀវភៅស្នាក់នៅ និងអត្តសញ្ញាណប័ណ្ណដល់ខ្នងផ្ទះ ធ្វើឱ្យពលរដ្ឋសប្បាយចិត្តនិងកក់ក្តៅយ៉ាងខ្លាំង

​ដោយ អ៊ួង សុផាត(កំពង់ធំ)៖ ដោយអនុវត្តតាមការណែនាំ និងចង្អុលបង្ហាញយ៉ាងយកចិត្តទុកដាក់ពីសំណាក់ លោកឧត្តមសេនីយ៍ទោហេង សុផល់ ស្នងការនគរបាលខេត្តកំពង់ធំ និងលោកវរសេនីយ៍ឯក សន តាល់ អធិការនគរបាលស្រុកតាំងគោក កម្លាំងនគរបាលប៉ុស្តិ៍រដ្ឋបាលទ្រៀល បានបន្តសកម្មភាពចុះមូលដ្ឋានជាប់ជាប្រចាំ ដើម្បីបម្រើសេវាសាធារណៈជូនប្រជាពលរដ្ឋដល់ខ្នងផ្ទះ។
​ជាក់ស្តែង នៅថ្ងៃទី[.០៤..] ខែ[.១២..] ឆ្នាំ[.២០២៥..] នេះ លោកវរសេនីយ៍ត្រី ហោ គឹមឈាន នាយប៉ុស្តិ៍នគរបាលរដ្ឋបាលទ្រៀល បានដឹកនាំកម្លាំងសហការជាមួយអាជ្ញាធរឃុំ និងភូមិ ចុះប្រគល់ឯកសារសំខាន់ៗជូនប្រជាពលរដ្ឋដល់លំនៅដ្ឋានផ្ទាល់ នៅក្នុងភូមិសាស្ត្រឃុំទ្រៀល ស្រុកតាំងគោក ខេត្តកំពង់ធំ។
​ឯកសារដែលត្រូវបានក្រុមការងារនាំយកទៅប្រគល់ជូននាពេលនេះ រួមមាន៖
​សៀវភៅស្នាក់នៅ (ក២)
​សៀវភៅគ្រួសារ (ក៤)
​អត្តសញ្ញាណប័ណ្ណសញ្ជាតិខ្មែរ
​សកម្មភាពនៃការចុះចែកឯកសារដល់ខ្នងផ្ទះនេះ បានធ្វើឱ្យបងប្អូនប្រជាពលរដ្ឋនៅក្នុងមូលដ្ឋាន មានសេចក្តីត្រេកអរ និងរំភើបចិត្តយ៉ាងខ្លាំង។ ពួកគាត់បានសម្ដែងការកោតសរសើរចំពោះ លោកនាយប៉ុស្តិ៍ និងកងកម្លាំងទាំងអស់ ដែលបានយកចិត្តទុកដាក់ខ្ពស់ចំពោះសុខទុក្ខ និងតម្រូវការរបស់ប្រជាពលរដ្ឋ ដោយមិនតម្រូវឱ្យពួកគាត់ចំណាយពេលធ្វើដំណើរទៅយកដល់ប៉ុស្តិ៍ឡើយ។
​ប្រជាពលរដ្ឋបានចាត់ទុកថា ទង្វើនេះបានផ្ដល់នូវភាពកក់ក្ដៅយ៉ាងពិតប្រាកដ និងបង្ហាញពីការយកចិត្តទុកដាក់បម្រើប្រជារាស្ត្រ របស់កងកម្លាំងនគរបាលជាតិក្រោមការដឹកនាំរបស់ថ្នាក់ដឹកនាំគ្រប់លំដាប់ថ្នាក់៕ដោយ អ៊ួង សុផាត
​