កម្លាំងចម្រុះបញ្ជាការដ្ឋានស្រាលល ចុះបង្ក្រាបបទល្មើសដាំឈូកក្នុងបឹងទន្លេសាប ក្នុងភូមិសាស្ត្រឃុំផាត់សណ្តាយ ស្រុកកំពង់ស្វាយ

​ (កំពង់ធំ)៖ នៅថ្ងៃព្រហស្បតិ៍ ៧កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៣ ខែមេសា ឆ្នាំ២០២៦ ក្រុមបញ្ជាការស្រាលដឹកនាំដោយ លោកឧត្តមសេនីយ៍ត្រី វ៉ា ចាន់កុសល ស្នងការរងខេត្តកំពង់ធំ និងលោកអនុសេនីយ៍ឯក ហែម ថន មេបញ្ជាការកងអន្តរាគមន៍ពិសេស (យោធភូមិភាគទី៤) បានដឹកនាំកម្លាំងចម្រុះចុះប្រតិបត្តិការទប់ស្កាត់ និងបង្ក្រាបបទល្មើសជលផល (ការដាំឈូកខុសច្បាប់) នៅចំណុចបឹងធំ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។
ជាលទ្ធផល កម្លាំងជំនាញបានសម្រេចអនុវត្តវិធានការរដ្ឋបាល និងដកហូតវត្ថុតាង រួមមាន៖
​កាប់បំផ្លាញ និងបង្ហូរទឹកចេញពីស្រែឈូកខុសច្បាប់បានចំនួន ១៥ហិកតា។
​ដកហូតកាណូតស្មាច់ ចំនួន ០៤គ្រឿង។
​ដកហូតក្បាលបូមកញ្ចែ ចំនួន ០១គ្រឿង។
​បន្ទះសូឡា ចំនួន ០៤ផ្ទាំង និងអាគុយ ចំនួន ០៤គ្រឿង។
​សម្ភារកសិកម្មមួយចំនួនទៀតរួមមាន៖ ធុងបាញ់ថ្នាំ ០១, បែល ០១, ចបកាប់ ០៣, កាំបិតផ្គាក់ ០៣, ពូថៅដៃ ០១ និងកាំបិតប៉័ងតោ ០១។
​២. កម្លាំងចូលរួម និងមធ្យោបាយ៖
ក្នុងប្រតិបត្តិការនេះ មានកម្លាំងចូលរួមសរុបចំនួន ២៤នាក់ ដែលមកពីអង្គភាពពាក់ព័ន្ធរួមមាន៖
​មន្ត្រីជលផល៖ ០៦នាក់
​មន្ត្រីបរិស្ថាន និងអនុរក្សតំបន់ការពារធម្មជាតិ៖ ០៦នាក់
​កម្លាំងនគរបាល៖ ០៣នាក់​កងទ័ពជើងទឹក៖ ០៣នាក់
​កងរាជអាវុធហត្ថ (B06)៖ ០២នាក់​តំបន់សឹករងខេត្ត៖ ០៤នាក់
​មធ្យោបាយប្រើប្រាស់៖ កាណូតធំ-តូច ចំនួន ០៤គ្រឿង (ប្រើប្រាស់ប្រេងអស់ចំនួន ៨០លីត្រ)។
​បច្ចុប្បន្ន កម្លាំងចម្រុះនៅតែបន្តឈរជើងនៅតាមគោលដៅ ដើម្បីត្រួតពិនិត្យ និងការពារការត្រឡប់មកវិញនៃបទល្មើសក្នុងតំបន់ហាមឃាត់។ដោយ អ៊ួង សុផាត