លោក ស្រ៊ន សំឫទ្ធី ដឹកនាំកិច្ចប្រជុំត្រៀមចុះអធិការកិច្ចអន្តរក្រសួងលើវិស័យកសិកម្ម ក្នុងខេត្តស្ទឹងត្រែង

​
​(ខេត្តស្ទឹងត្រែង)៖ នាព្រឹកថ្ងៃទី២៨ ខែឧសភា ឆ្នាំ២០២៦ នេះ លោក ស្រ៊ន សំឫទ្ធី អភិបាលរងខេត្តស្ទឹងត្រែង បានអញ្ជើញជាអធិបតីដឹកនាំកិច្ចប្រជុំសំណេះសំណាលជាមួយក្រុមការងារអធិការកិច្ចអន្តរក្រសួងវិស័យកសិកម្ម។ កិច្ចប្រជុំនេះត្រូវបានរៀបចំឡើងនៅក្នុងសាលប្រជុំមន្ទីរការងារ និងបណ្តុះបណ្តាលវិជ្ជាជីវៈខេត្ត។
​កិច្ចប្រជុំដ៏មានសារៈសំខាន់នេះ ធ្វើឡើងក្នុងគោលបំណងដើម្បីត្រៀមលក្ខណៈចុះធ្វើអធិការកិច្ចនៅតាមបណ្តាសហគ្រាស និងគ្រឹះស្ថាននានាក្នុងវិស័យកសិកម្ម ដែលកំពុងដំណើរការនៅក្នុងភូមិសាស្ត្រខេត្តស្ទឹងត្រែង។
​តាមរយៈការចុះអធិការកិច្ចនាពេលខាងមុខ ក្រុមការងារអន្តរក្រសួងនឹងធ្វើការត្រួតពិនិត្យយ៉ាងម៉ឺងម៉ាត់លើការអនុវត្តច្បាប់ និងលិខិតបទដ្ឋានគតិយុត្តនានា ដែលពាក់ព័ន្ធនឹង៖
​វិស័យការងារ និងសន្តិសុខសង្គម
​ការបណ្តុះបណ្តាលវិជ្ជាជីវៈ
​វិស័យកសិកម្ម និងបរិស្ថាន
​សកម្មភាពនេះ គឺដើម្បីធានាឱ្យបាននូវការគោរពច្បាប់រដ្ឋ ប្រកបដោយតម្លាភាព គណនេយ្យភាព និងជួយសម្របសម្រួលដល់ការដោះស្រាយបញ្ហាប្រឈមនានា ក្នុងគោលដៅជំរុញការអភិវឌ្ឍវិស័យកសិកម្មនៅក្នុងខេត្តឱ្យកាន់តែមាននិរន្តរភាព និងការពារផលប្រយោជន៍ស្របច្បាប់របស់កម្មករនិយោជិត ក៏ដូចជានិយោជកផងដែរ៕
​