(កំពង់ធំ)៖ កម្លាំងជំនាញចម្រុះ ដឹកនាំដោយលោកឧត្តមសេនីយ៍ត្រី វ៉ា ចាន់កុសល ប្រធានទីបញ្ជាការស្រាលប្រចាំឃុំផាត់សណ្ដាយ និងលោកអនុសេនីយ៍ឯក ហែម ថន តំណាងតំបន់ប្រតិបត្តិការសិករងកំពង់ធំ នៅថ្ងៃទី២៤ ខែមេសា ឆ្នាំ២០២៦ បានបន្តចុះអនុវត្តវិធានការកាប់បំផ្លាញចោលនូវដំណាំស្រែឈូក ដែលបានដាំដុះដោយខុសច្បាប់នៅលើដីតំបន់៣។
ប្រតិបត្តិការនេះ បានធ្វើឡើងនៅចំណុចខាងកើតបឹងធំ (និយាមកា ៤៥៤២.១៣៩៩០០៣) ក្នុងភូមិសាស្ត្រឃុំផាត់សណ្ដាយ។ ជាលទ្ធផល ក្រុមការងារបានសម្រេចកាប់បំផ្លាញ និងបង្ហូរទឹកចេញពីស្រែឈូកបានចំនួន ១៥កន្លែង ដែលមានផ្ទៃដីសរុបប្រមាណ ៣០ហិកតា ដើម្បីទម្លាក់ចូលទៅក្នុងបឹងធម្មជាតិវិញ។
តាមរបាយការណ៍បានឱ្យដឹងថា ប្រតិបត្តិការនេះមានការចូលរួមពីកម្លាំងសរុបចំនួន ២១នាក់ រួមមាន៖
មន្ត្រីជំនាញជលផល៖ ០៣ នាក់
មន្ត្រីបរិស្ថាន និងឧទ្យានុរក្ស៖ ០៧ នាក់
កម្លាំងកងរាជអាវុធហត្ថ (B06)៖ ០១ នាក់
កម្លាំងនគរបាល៖ ០២ នាក់
កម្លាំងអន្តរាគមន៍ពិសេស យោធភូមិភាគទី៤៖ ០៨ នាក់
ងបេសកកម្មនេះ ក្រុមការងារបានប្រើប្រាស់មធ្យោបាយកាណូតម៉ាស៊ីនធុនធំ ១គ្រឿង និងសម្ភារៈបច្ចេកទេសមួយចំនួនទៀត។ កម្លាំងជំនាញចម្រុះនឹងបន្តសកម្មភាពនេះជាបន្តបន្ទាប់ ដើម្បីទប់ស្កាត់រាល់ការទន្ទ្រានកាន់កាប់ដីរដ្ឋ និងការពារធនធានធម្មជាតិក្នុងតំបន់ហាមឃាត់ឱ្យបានគង់វង្ស៕ដោយ អ៊ូង សុផាត
